Kralendijk/Den Haag – Dianan 20 te ku 22 di sèptèmber, sindikato ABVO a
partisipá na reunionnan di e Plataforma di Konsulta di Sektor pa Karibe Hulandes,
(Sector Overleg Rijksdienst Caribisch Nederland) na Den Haag, Hulanda.Ta trata
aki di e Plataforma den kua ta atendé asuntunan di organisahon i e posishon
hurídiko di empleadonan públiko di RCN.
Esaki ta un reunion di konsulta riba nivel di Reino ku ta tuma lugá mas òf ménos
kada kuartal den kua ta atendé diferente aspektonan di trabou i organisashon pa
empleadonan públiko ku ta kai bou di Rijksdienst Caribisch Nederland.
A atendé diferente di e rapòrtnan di organisashon i struktura di diferente
departamentu, manera e.o. SSO, BCN, KPCN i CBS.
Mas aleu tambe a plania kursonan pa miembronan ku ta forma parti di e
plataforma den kua lo bai duna formashonnan riba tereno sindikal. Den e kaso aki
a plania esaki pa tuma lugá den luna di yanüari 2024.
Tambe manera ta e kustumber, a stipulá puntonan di interes den un agenda pa
trata esakinan durante di e reunion di e tres dianan na Den Haag konforme
palabrashonnan den kua e.o. indeksashon di toelagenan, tempu liber pa atende
ku kuido di yunan.
ABVO a trata tur e puntonan deligentemente pa saka mas tantu probecho posibel
pa miembronan ku ta traha na RCN. Sierto di e rapòrtnan no a haña aprobashon
di parti sindikatonan, sea pa falta di mas informashon, o pa motibu ku esaki no ta
kompleto o no ta kumpli ku tur e rekesitonan pa sindikatonan por atendé o aprobá
. Esakinan a bai bèk pa e diferente instansianan pa keda kompletá konforme
deseo di e sindikatonan pa nan miembronan na RCN.
Delegashon di ABVO ta konsistí di sr. Roland “Nacho” Ignacio, sr. Robert Sances i
sr. George Hernandez. ABVO ta un di e partísipantenan ku mas miembro den e
konsulta sektoral pa RCN, huntu ku e demas sindikatonan ACOM, NAPB i STrAF.
