Willemstad – Promé Minister sr. Gilmar Pisas, huntu ku Minister di Finansa sr. Javier Silvania i Minister di Desaroyo Ekonómiko sr. Ruisandro Cijntje a reuní ku e grupo di trabou ku ta atendé mitigashon di preis di gasolin na Kòrsou dia 21 di mart 2023.
Tabatin representantenan di Ministerio di Finansa, Ministerio di Desaroyo Ekonómiko, RdK, Curoil, BTP, Inspekshon, Duana i Ministerio di AZ presente. Meta di e reunion tabata pa yega na un “beslisdocument” ku ta atendé ku e preis di produktonan di komustibel na Kòrsou. E grupo di trabou tin di traha e “beslisdocument”, kual dokumento lo kontené tur e aspektonan nesesario i kon tambe por aliviá e preshon di preis pa nos komunidat.
Ora e “beslisdocument” ta kla lo manda esaki pa Konseho di Minister i después bèk pa Parlamento.E “beslisdocument” mester ta kla pa fin di aprel 2023. E grupo di trabou lo bini huntu bèk dia 2 di aprel 2023 pa kaba di atendé ku tur e rekomendashonnan ku kada instansia a haña komo tarea pa traha riba dje. Pa Gobièrnu di Kòrsou ta importante pa tene semper na konsiderashon e kalidat di e komustibel i un preis pagabel pa nos komunidat.
