Global Issues Network (GIN) na International School of Curaçao (ISC) ta parti di un ret grandi di studiantenan rònt mundu ku tin mes metanan; pa yuda komunidat lokal. Tur aña di nobo, nos studiantenan di ISC GIN ta organisá diferente tipo di aktividat ku ta brinda servisio i ayudo. Esaki ta inkluí entre otro mantené ISC su Campus liber di uzo di plèstik den tur forma, organisá dia pa muchanan di ménos rekurso pa haña un eksperensia dor di bin “shop” na ISC, bishitá kasnan di grandi, rekoudá kuminda pa bestia, buska mobilario pa diferente skol i hopi mas.

Djasabra último, 2 di mart 2024 studiantenan di GIN a tene nan di 10 edishon di e Clothing Day/ Clothing Drive na International School of Curaçao ku e meta pa muchanan di ménos rekurso, for di diferente kas nan kaminda muchanan ta residensia, tin e eksperensia di “shop”. E evento akí ta konosí komo ‘GIN Shopping Experience’ òf mas bien Clothing Day. A transformá e gymzaal na ISC den un pakus grandi kaminda alrededor di 700 mucha, for di diferente fundashon, a haña e invitashon pa pasa un dia spesial pa nan “shop” i haña e eksperensha akí. E aña akí tambe, esaki tabata un éksito kompleto. E muchanan a disfrutá di e ambiente, buskando paña, ko’i hunga i algun otro asesorio di nan mes eskoho.

Nos studiantenan di GIN a trese un brio di goso den bida di e muchanan akí. Preparashonnan a start algun siman pasá kaminda e miembronan mes a kolekta e pañanan, surti nan na sais, set-up i transformá e gym pa hasi e eksperensia, unu plasentero pa e muchanan ku a bin “shop”. Studiantenan di GIN – nos orguyoso di lokual bosnan a hasi i mas ku klaro lo sigui hasi. Nos ker a yama danki na e komunidat di International School òf Curaçao i tambe Sra. Kavita CHungani ku a guia e hobennan, i kompanianan lokal ku a kontribuí na e kousa aki. Nos a kier a ekstendé nos gratitut i gradisimentu na Curacao Cares/ CURA DOET, en espesial Sra. Vicky Trinidad, pa a yuda nos ku e organisashon i ku ta sostené nos en grande ku e organisashon i kordinashon di e evento akí. E evenementu akí ta un non- profit event, kual nos ta hasi ku e propósito pa yuda esnan den nesesidat i duna bèk na nos komunidat.

error

Enjoy this blog? Please spread the word :)

WordPress Cookie Plugin by Real Cookie Banner