Djabierna mainta, Minister Arends a ricibi manifesto di sindicato SEPPA.
Hunto cu trahadonan di SABA a entrega carta cu nan puntonan di preocupacion y nan desconfiansa den directiva di SABA.
Puntonan menciona ta e recht trekking di pago na e trahadonan cu ya di 2002 nan ta wardando ariba esaki, pa Minister tuma nota di e problemanan serio cu tin den e supervision di SABA, trece solucion na e impasse, percura cu e maneho di adulto mayor ta wordo financia na un manera debido y pa resolve e lista di espera cu mester di cuido a corto plaso.
E puntonan menciona lo wordo atendi cune cu prioridad door di Minister Arends hunto cu e comision cu a wordo estableci. E comision tin e tarea pa presenta recomendacion y accion concreto pa promove continuidad di cuido pa adulto mayor.
Nos ta gradici SEPPA pa e manera profesional cu a bin ta atende cu Gobierno di Aruba desde inicio cu e discusion a cuminsa. Minister Arends ta keda para ariba e posicion cu ceramento di SABA/Centro di Cuido no ta den e vision pa loke ta trata maneho di adulto mayor. E enfoke ta keda riba solucion y lo bolbe sinta na mesa cu directiva di SABA pa asina por resolve e impasse mas pronto posibel.
“๐๐ช๐ฏ๐จ๐ถ๐ฏ ๐ฎ๐ฐ๐ฎ๐ฆ๐ฏ๐ต๐ฐ ๐ฆ ๐ต๐ณ๐ข๐ฉ๐ข๐ฅ๐ฐ๐ฏ๐ข๐ฏ ๐บ ๐ต๐ข๐ฎ๐ฑ๐ฐ๐ค๐ฐ ๐ฆ ๐ข๐ฅ๐ถ๐ญ๐ต๐ฐ๐ฏ๐ข๐ฏ ๐ฎ๐ข๐บ๐ฐ๐ณ ๐ค๐ถ ๐ฎ๐ฆ๐ด๐ต๐ฆ๐ณ ๐ฅ๐ช ๐ค๐ถ๐ช๐ฅ๐ฐ ๐ญ๐ฐ ๐ฎ๐ฆ๐ด๐ต๐ฆ๐ณ ๐ธ๐ฐ๐ณ๐ฅ๐ฐ ๐ฑ๐ฆ๐ณ๐ฉ๐ถ๐ฅ๐ช๐ค๐ข.” – Minister Ursell Arends
