Un grupo di biahero di TUI ku a keda pegá na Kòrsou i pa kua na promé instante TUI no por a logra haña un hotel pa nan pasa anochi, kier a saka slá riba lomba di Krus Kòrá Kòrsou. E avion a hasi un aterisaje di emergensia na Korsou despues ku su bentana di cockpit a sker ora ku ela lanta buelo for di Punta Cana pa bai Schiphol via di Boneiru. Segun e biaheronan, nan a ninga di keda den un Hospice kaminda tin hende malu pa muri, ni tampoko nan kier a keda na Krus Kòrá unda ku tabatin matras fís. Henk Stomp di Krus Kòrá ta desmentí e akusashonan aki kategorikamente.
