Djamars mainta 12 di aprel un treinen di desaster riba eskala grandi ta tuma lugá na Bonaire International Airport. Durante e treinen di desaster akí BIA huntu ku e tim di kombatimentu di desaster lo simulá un kaida di avión. Pa medio di simulashon di kaida di un avion na Donkey Beach, e tim di kombatimentu di
desaster ke trein e aserkamentu di krísis den práktika. Durante e treinen tin desaroyo di huma na Donkey Beach. Ta sera EEG Boulevard pa tur tráfiko entre 09.00 or i 12.00 or di mainta.

E seramentu di kaminda ta for di Marriott Hotel te na e krusada ku Kaya I.R. Randolph Statius van Eps. E úniko ruta di desviashon pa bai Playa ta via Kaya I.R. Randolph Statius van Eps i Kaminda Sorobon.
Entre 09.30 or i 11.30 or di mainta BIA ta será temporalmente pa públiko. Relashoná ku e
treinen e departamento di komunikashon di Entidat Públiko Boneiru ta será entre 09.00 or
i 12.00 or di mainta.

Durante e treinen ta hasi uso tambe di ambulans pa transporte di e hendenan ku ta figurá
komo herido. Mas aleu Kuerpo Polisial Hulanda Karibense (KPCN), Koninklijke Marechaussee (Kmar) i Kuerpo di Bombero Hulanda Karibense (BKCN) lo ta visibelmente presente.

error

Enjoy this blog? Please spread the word :)

WordPress Cookie Plugin by Real Cookie Banner