Weganan di Rei a selebrá nan di 10 aniversario ku un apertura na 2 skol kualnan tabata Sint Franciscus College na Janwe i Kolegio Bellefaas Martis na Sta. Rosa.E meta prinsipal di Weganan di Rei ta pa nos muchanan por gosa di un desayuno saludabel mainta na skol i alabes haña e oportunidat pa hasi moveshon durante henter un mainta.Tabata un plaser pa mira kon nos Gobernadó Interino sra. Michelle Russel-Capriles, Presidente di Parlamento sra. Charetti America-Francisca, Minister di Salubridat Públiko, Medio Ambiente i Naturalesa sra. Dorothy Pietersz-Janga, Promé Minister sr. Pisas i diferente Parlamentario ku tabata presente, gosa i hasi moveshon huntu ku nos muchanan.Minister di Enseñansa, Siensia, Kultura i Deporte sr. Sithree van Heydoorn no por tabata presente, debí ku e ta riba un biahe di trabou, pero e la keda representá pa Minister Dorothy Pietersz-Janga dignamente.E Ministerio di Enseñansa, Siensia, Kultura i Deporte a yuda ku parti di e gastunan di tur e desayunan ku a keda repartí pa nos muchanan na tur e skolnan ku a partisipá na Weganan di Rei e aña aki.Ambos skol tabatin un tremendo apertura kaminda tur hende a gosa inmensamente i tur nos muchanan tabata sumamente kontentu.Promé Minister sr. Pisas tabata sumamente kontentu di por a tuma nota ku mas di 14.000 mil mucha a partisipá e aña aki na e Weganan di Rei.Un pabien ta bai pa tur esnan ku tabata enbolbí den organisamentu di e Weganan di Rei. Boso a hasi un tremendo trabou!

error

Enjoy this blog? Please spread the word :)

WordPress Cookie Plugin by Real Cookie Banner