Presente tabata tambe e Embahador di Repúblika di El Salvador na Costa Rica sra. Ana Geraldina Beneke i direktor general i hefe di e departamento di e vice presidensia di Repúblika di El Salvador sr. Mario Otero.Durante di e kombersashon aki e Vice Presidente a indiká ku El Salvador ke habri kontakto diplomátiko ku Kòrsou pa asina por traha ku Kòrsou.E la duna un splikashon amplio riba tur loke El Salvador ta hasiendo pa ku nan komunidat, kresementu di nan ekonomia i e tres tipo di monedanan ku nan ta usa einan. E la spika ampliamente kua ta e benefisionan i tambe kiko mester tene bon kuenta kuné, pa asina evitá kualkier inkonbenensia indeseá.E tres tipo di monedanan ku nan ta usa den forma legal i aprobá pa nan Gobièrnu ta: Dollar, Colon i Cripto Activa (bitcoin).E meta di e Gobièrnu ta pa kita e diktadura di monedanan tradishonal pa asina fortifiká i krese nan ekonomia. Pa ku esun di Cripto Activa esaki ta keda apliká pa medio di e sédula di kada suidadano, e no ta keda supervisá pa niun banko i tampoko tin ningun tipo di komishon mara na dje.Tambe tin hopi desaroyo inovativo i positivo ta tumando lugá riba e parti di kreamentu di energia renobá.Un otro punto ku a bini dilanti ta ku El Salvador su polítika ta pa kombatí korupshon i ta duna tambe hopi importansia na e parti di kobramentu di impuesto.Tin tres punto ku a keda menshoná di e maneho di e Gobièrnu, kualnan ta:1. Fase 1: rekuperá tur teritorionan di Gueria: e fase aki a keda realisá;2. Fase 2: rekuperá tur e skolnan, habri parke i espasio públiko pa espeshalmente e mucha i hóbennan: e fase aki a keda lográ;3. Fase 3: ekipá nan Kuerpo Polisial ku materialnan sofestiká pa kombatí diferente kaso: e fase aki tambe a keda lográ.E kombersashon aki bai den un ambiente hopi ameno kaminda Promé Minister por a haña un bista hopi kla riba kon e Gobièrnu aktual di El Salvador ta manehá e pais.

error

Enjoy this blog? Please spread the word :)

WordPress Cookie Plugin by Real Cookie Banner