Miembronan di Biblioteka Públiko Boneiru tin akseso na e biblioteka online www.onlinebibliotheek.nl ku eskoho for di miles di e-book i buki pa skucha. Kada 3 siman miembronan tin mag di fia te asta 10 e-book i 10 buki pa skucha. Ku su oferta di e servisio digital akí na su miembronan, Biblioteka Públiko Boneiru ta modernisá e servisio ku e ta duna.
Bo no ta miembro ainda di e Biblioteka Públiko di Boneiru? E ora ei bo por hasi petishon pa un miembresia na bali di bo biblioteka. Pa habitantenan entre 0 i 18 aña un miembresia ta grátis. Un miembresia pa personanan ku tin mas ku 18 aña ta kosta $6 pa aña. Bo bor bishitá e biblioteka na Kaya Gramèl s/n òf yama 715 5344 pa mas informashon. Miembronan por pasa na biblioteka pa buska nan kódigo pa ‘log in’ pa haña akseso na e biblioteka online.
Komo miembro di Biblioteka Públiko Boneiru bo tin mag di fia kada bes 4 buki físiko pa gosa
di nan na kas te asta 3 siman largu. Banda di esei via e biblioteka-app òf via www.onlinebibliotheek.nl bo por lesa den bo propio forma, manera por ehèmpel riba bo e- reader, tablet òf webbrowser. Asina tur ora i tur kaminda bo por disfrutá di bo e-book òf bo buki pa skucha. Biblioteka Públiko Boneiru ta invitá tur hende pa bira miembro i ta deseá su miembronan hopi plaser ku lesamentu!
