Den bon kolaborashon ku Kuerpo Polisial Aruba
E barku di marina Zr.Ms. Friesland resientemente a obligá un boto piskadó Venezolano sospechoso pa stòp riba laman ganchu. E kontakto a keda deskubrí pa un avion marítimo di patruya di Wardakosta Merikano. E boto piskadó tabata riba un ruta konosí pa kontrabanda despues di kua Friesland a keda aktivá. Ku e barku rápido di interseptashon, e FRISC, ku a bordo un ekipo kombiná di tripulantenan di e barku i Wardakosta Merikano e boto piskadó a keda persiguí. Rápidamente e boto a keda urgí pa stòp. Na yegada di e FRISC den serkania di e boto, esaki a kuminsá senk. Riba esaki mes ora a aktua pa trese e pasaheronan a bordo di Friesland. E tripulashon di Friesland a ehersé tur intento pa mantené e boto piskadó riba awa, pa asina por kontrola esaki pa kontrabanda.E boto sospechoso a keda di tou pa Zr.Ms. Friesland i hibá Aruba kaminda a entregá esaki na Wardakosta su punto di sosten na Aruba, pa hasi mas investigashon. Pa motibu ku e boto tabata parsialmente bou di awa, e ekipo di buseo di Kuerpo Polisial di Aruba ((KPA) a hisa e boto ku nan rekursonan disponibel pa asina por a listra esaki. Durante e listramentu di e boto hasí pa un ekipo di e punto di sosten di Wardakosta na Aruba, un gran kantidat di pakete ku probablemente droga, a ser hañá. E seis personanan ku nashonalidat Venezolano i e paketenan a keda entregána e ‘unit georganiseerde criminaliteit’ di KPA pa hasi mas investigashon den e kaso akí.
