Partido United St. Maarten ta sigui ku nan kampaña di konsientisashon riba e tema di abuso seksual di menornan. Líder di Partido USP, Sra. Pamela Gordon-Carty, ta indiká ku esaki no mester ta un esfuerso di partido só pero di tur hende den komunidat pa por hasi e leinan mas fuerte kontra e abusadornan. E ta hasi un apelashon tambe na e poblashon Hulandes pa informashon i ideanan pa USP ta bon prepará ora nan mester bai parlamento pa defende e leinan i e viktimanan.
