Brantwer Kòrsou huntu ku Brantwer Aruba i Brantwer Hato a start den un trayekto di formashon riba e área di instruktor i “vakinhoudelijke bijscholing” pa algun kolega den e diferente kuerpo di Bomberonan. E trayekto di formashon a start dia 28 mart 2022 i a terminá dia 29 aprel 2022.Durante e promé 2 siman diesun kolega repartí den e kuerpo nan di bombero di Kòrsou, Aruba i Hato a siguí un kurso intensivo ku na final a ser terminá ku èksamen práktiko. Tantu kuerpo di bombero Aruba, Kòrsou i Hato por ta orguyoso di un total di 11 personal ku a logra haña nan diploma di Instruktor B, kual ta un diploma rekonosé na Hulanda. Pa Brantwer Kòrsou esaki ta un stap importante den desaroyo di e kuerpo den preparashon pa tantu e hóbennan nobo ku lo bai drenta Brantwer, pero tambe pa “bijscholing” di e personal di warda. E parti di sertifikashon di nos personal ta importante pa asina por brinda un nivel mas haltu di entrenamentu, i asina elevá e nivel di servisio i seguridat brindá dor di nos kuerpo di Brantwer. Brantwer Kòrsou ta felisitá nos seis instruktor nan nobo (sinku di Brantwer Kòrsou i unu di Brantwer Hato) ku nan diploma di Instruktor B i e sinku personal di Brantwer Aruba ku nan diploma di Instruktor B. Danki tambe na e kuater instruktor nan sertifiká dor di BOGO Brandweeropleidingen, Jolanda Leferink, Henri Tanamal, Cees Schaap en Frans van de Watering pa e periodo intensivo di lès i preparashon pa e personal por a pasa èksamen final ku éksito i haña “bijscholing vakinhoudelijk”.E siguiente preparashon ku ta sigui pa e personal di Brantwer Kòrsou ta “Leer werkplekbegeleider” na Aruba den e periodo di 09 te ku 13 mei 2022.

error

Enjoy this blog? Please spread the word :)

WordPress Cookie Plugin by Real Cookie Banner