E lei aki a keda aprobá unanimamente pa parlamento di Aruba 26 di oktober 2021. Esaki ta den kuadro di e plan nashonal di prevenshon di Departamento di Salubridat Públiko dediká na mehorá kalidat di bida di Aruba su komunidat. 13% di e poblashon di Aruba riba 20 aña di edat ta huma. E lei di tabako ta unu importante mirando ku e uso di sigaria ta dañino, no solamente pa e persona ku ta huma pero tambe pa esnan den serkania i menornan di edat. Den kuadro di esaki, nos ta reprodusi e momento ku Minister di Salubridat Publiko a hasi e anunsio ofisial di e kambionan den e lei di tabako.
